“Əli və Nino”nun mətbuat konfransında yaşananlar

“Əli və Nino” filminin aktyor və yaradıcı heyəti media nümayəndələri ilə görüşüb. 

   “Əli və Nino” filminin aktyor və yaradıcı heyəti media nümayəndələri ilə görüşüb. Ekran əsərinin premyerasından bir neçə saat əvvəl mətbuat konfransında jurnalistlərin suallarını cavablandıran komanda, Azərbaycan və film haqda təəssüratlarını bölüşdüblər: “Fürsətdən istifadə edərək bura təşrif buyurduğunuz üçün hər birinizə təşəkkür edirəm. Azərbaycan kino sahəsində dünya miqyasında  bir ilkə imza atdı. Filmin tanıtımında bütün əməyi olanlara təşəkkür edirəm. Filmin çəkilişi və filmin özü hadisələrlə doludur. Ona görə hansısa hadisəni xüsusilə qeyd etmək çətindir. Amma bir şeyi deyə bilərəm ki, ölkə çox səfalı, mətbəxi ləziz və Bakının özü çox gözəldir. Xüsusilə də Quba, Xınalıq. Çox ecazkar təbiətə malikdir”.

   Tədbirdə filmin "Nino"su, ispan aktrisa Mariya Valverde də iştirak edib. Cazibədar aktrisa ekran əsərində “Əli” obrazını canlandıran Adam Bakri ilə yaşadığı eşqdən söz açıb: “Qafqaz xanımının rolunu oynamaq mənim üçün bir ilk idi. Və bu xanımın xasiyyəti də çox güclü idi. Gürcü xanımı canlandırmaq mənim üçün şərəf idi. Mən azərbaycanlı bir bəylə eşq yaşamamışam.  Amma həm öz adımdan , həm də bütün film heyətinin adından deyə bilərəm ki, biz hamımız Azərbaycana aşiq olduq”.

    Filmin ssenari müəllifi Kristofer Hempton isə çəkiliş zamanı yaşanan cətin anlardan danışıb. Bununla yanaşı baş rollardan biri, “Əli” obrazını canlandıran aktyor Adam Bakrinin tədbirə qatılmamasına aydınlıq gətirilib: “Səhər saat 6-da zəng etdilər ki, hər şey hazırdır, çəkilişə başlamaq olar. Sabahısı gün isə çox böyük hündürlükdə qar yağdı. Çəkiliş öncəsi belə sərt hava şəraiti həqiqətən də yaddaqalan bir hadisə idi. Təəssüf ki, Adam Bakri texniki səbəblərdən dolayı  burada ola bilmədi. O, Amerika vətəndaşıdır və xaricə çıxmaq üçün vizası alması ilə bağlı problem yaşandı.  Amma bugünkü tədbir iştirakçılarına təbrik  mesajı göndərdi. Burda ola bilməyəcindən böyük təəssüf hissi keçirdiyini çatdırmağımızı istədi. Bu çox məyusedic haldır, amma burada olmasa da, ekranlarda bizimlə olacaq. O Bakını çox sevir”. Mariala Numan azərbaycanlı aktyor və aktrisalala eyni filmdə rol almaqdan məmnun olduğunu və dil barədə problem yaşamadıqlarını söyləyib: “Biz dil daşıyıcısı deyilik. Üstəlik biz İngilis dili daşıyıcısı deyilik. Azərbaycanlı aktyorlar öz dilində danışdıqları üçün onlara çətin deyildi. Ona görə qətiyyən çətin deyildi. Onlarla işləmək çox xoş idi. Rola girmək üçün ən gözəl vasitə rəqs idi. Xoreoqraflara təşəkkür edirik ki, bizə bu rəqsləri öyrətdilər. Çünki biz həqiqətən də Qafqaz rəqslərini öyrəndik”. Sevgi hekayəsindən bəhs edən “Əli və Nino”da yerli aktyorlarımız  əməkdar artistlər Pərviz Məmmədrzayev və Mehriban Zəki, bu filmin Azərbaycan film sahəsinə gətirəcəyi uğurdan söz açdıblar. Qeyd edək ki, Qurban Səidin eyniadlı romanı əsasında çəkilən filmin icraçı prodüseri Leyla Əliyeva, prodüseri Kris Tikyer, rejissoru “BAFTA” mükafatı sahibi Asif Kapadia, ssenari müəllifi isə “Academy Award” mükafatı laureatı Kristofer Hemptondur. Filmdə, həmçinin Halit Ergenç, Fəxrəddin Manafov, Konni Nilson və digər məşhur aktyorlar iştirak ediblər.

 

Sevda Məmmədova

Elfaq Lələyev

 

Muz-Tv.az