Faiq Ağayev media nümayəndələrini istirahət üçün çağırıram

Xalq artisti Faiq Ağayev media nümayəndələrinə jest edəcək. 

    Xalq artisti Faiq Ağayev media nümayəndələrinə jest edəcək. Axşam.az-ın məlumatına görə, müğənni açıqlamasında bildirib ki, dekabrda baş tutacaq solo konsertində media nümayəndələri üçün xüsusi yer ayıracaq:“Bu il dəvətnamələrin sayı az olacaq. Bütün konsertlərdə biletlə satılan yerlər dolu olur, dəvətnaməli oturacaqlar isə boş qalır. Əvvəlki konsertlərdə kimlər gəlməyib, bu dəfə onlara dəvətnamə olmayacaq. İstəsələr, gedib bilet alarlar. Mediaya hər zaman ən say-seçmə yerləri ayırmışam. Bu dəfə də elə olacaq. Onları işini həyata keçirmək üçün dəvət etmirəm, istirahət üçün çağırıram”.Qeyd edək ki, F.Ağayevin "F.A. made in Azerbaijan" adlı konserti dekabrın 29-da və 30-da Heydər Əliyev Sarayında baş tutacaq.

   Müğənni Kərim Abbasov yeni doğulan oğlunun fotosunu izləyiciləri ilə bölüşüb. Sənətçi övladı Yusifin şəklinə bunları yazıb:“Həyatımın yaşama səbəbi, Yusifim. Allah bütün balaları qorusun. Hətta düşmənimin də övladını. İgid oğul dayısına oxşayar, deyirlər. Dayısı kimi layiqli övlad olsun, bu mənə bəsdir”.Qeyd edək ki, Təranə adlı xanımla ailə quran K.Abbasovun Seyid adlı bir oğlu da var.

   Müğənni Yaşar Yusub tədbirlərin birində fotokameralar qarşısına keçərək şəkillər çəkdirib. İfaçı mərasimə zoğalı rəngli pencək geyinib. Sənətçi yeni mahnı üzərində çalışdığını deyib. O bildirib ki, növbəti bəstənin də müəllifi aparıcı Cavid Güldür.

    Hollivud ulduzu Stiven Siqal Bakıya gəlib. Aktyor sahibi olduğu saat brendinin yeni kolleksiyasının təqdimat mərasimində iştirak edib. Siqal daha sonra restoranlardan birinə yollanıb.

 

Əhəd  Miriyev

 

MuzTv.az