Faiq Ağayev yeni mahnıları üzərində çalışır

Xalq artisti Faiq Ağayev dekabrın 29-da və 30-da Heydər Əliyev Sarayında baş tutacaq solo konsertindən danışıb.

   Xalq artisti Faiq Ağayev dekabrın 29-da və 30-da Heydər Əliyev Sarayında baş tutacaq solo konsertindən danışıb.Axşam.az-a açıqlama verən ifaçı onun üçün yazılan yeni mahnıları üzərində çalışdığını bildirib:“Hazırda studiyadayam, söz vermişəm ki, konsertdə 8 yeni mahnı təqdim edəcəyəm. İndi Səbinə Babayeva və Rabil Səfərlinin mənim üçün yazdığı yeni mahnıları hazırlayıram. 1990-cı illərdə oxuduğum üç mahnını Yaşar Baxışın yeni aranjimanında təqdim edəcəyəm".

   Müğənni Ramal İsrafilov “Düşünürəm” adlı yeni mahnısını təqdim edib. Bəstənin müəllifi ifaçının özüdür. Mahnının aranjiman işləri Givi Usenaşviliyə həvalə olunub. R.İsrafilov mahnı ilə bağlı təəssüratlarını bölüşüb:“Sənətimlə bağlı yazdığım mahnını sevənlərimə təqdim edirəm. Hər zaman izləyicilərim üçün gözəl nəğmələr yazmağı düşünürəm. İnşallah, bu da xeyirli-uğurlu mahnılardan biri olar”.

   Müğənni Miri Yusif ailəsi ilə yeni fotosunu paylaşıb. Şəkildə sənətçinin xanımı Nərgiz, oğlu Mir Hüseyn və qızı Adel yer alıb. M.Yusif 8 ildir ailə qurduğunu vurğulayıb:“Kim deyirsə, sevginin 3 il müddəti var, inanmayın”.

   Müğənni İzzət Bağırzadə Məşhəd ziyarətinə yollanıb. Sənətçi bildirib ki, Aşurə gününü orda olacaq:“İmam Rzanın ziyarətinə gedirəm. Aşurədə, faciə günü burada olacağam”.

 

Əhəd Miriyev

 

MuzTv.az