Aybəniz Haşımova əməliyyat olunub

Əməkdar artist Aybəniz Haşımova əməliyyat olunub. Axşam.az-ın məlumatına görə, müğənni hazırda özünü yaxşı hiss etdiyini bildirib. 

   Əməkdar artist Aybəniz Haşımova əməliyyat olunub. Axşam.az-ın məlumatına görə, müğənni hazırda özünü yaxşı hiss etdiyini bildirib. O, çətin anında yanında olan hər kəsə təşəkkürünü bildirib:“Bu çətin ömür imtahanımda mənə dua edən hər kəsə təşəkkür edirəm. Məni bu gün sizlərə bəxş edən Allahıma və həkimlərimə "sağ ol" deyirəm. Özümü çox yaxşı hiss edirəm, hətta axşam heç kimdən kömək istəmədən ayağa qalxıb yerimişəm. İnşallah, bir neçə günə ağrılarımı tam unudaram. Əməliyyata qaldırılanda son sözüm bu oldu: mən sizi çox sevirəm, əziz xalqım".

   Müğənni Nadir Qafarzadə Türkiyədə yaşayan azərbaycanlı ifaçı Ezo ilə bağlı paylaşım edib.Sənətçi verilişlərin birində qonaq olan Ezonun Azərbaycan dilində yox, türkcə danışmasını qınayıb:“Təsadüfən kanalların birində bu qızın qonaq olduğunu gördüm. Düzü tanımasam da, aparıcının dilindən adının Ezo olduğunu eşitdim. Əvvəlcə elə bildim Türkiyə sənətçisidir, sonra öyrəndim ki, azərbaycanlıdır, cənub bölgəsindəndir. Amma bir şeyi anlamadım, bu qız doğma dilində danışmadı. Yəqin öz dilindən utanır? Başqa cür necə ola bilər ki? Yazıq dilimiz, artılq səndən utanırıq da. Allah sənin köməyin olsun, yavaş-yavaş səni itirirk. Sualıma cavab tapsam sevinərəm”.N.Qafarzadə bir az keçəndən sonra paylaşımını silib.

   Müğənni Gülay Zeynallı “Sənli günlərimə bağışla məni” adlı yeni ifasını təqdim edib. Bəstənin sözləri Nazim Əjdərə, musiqisi İlhamə Adilqızına aiddir. Mahnının aranjimanını İlqar və Fariz əkizləri edib.

   Yumor ustası Fərda Xudaverdiyev türkiyəli şoumen Bəyazit Öztürklə bir araya gələcək. Aktyor bu haqda özü xəbər verib. O bildirib ki, Bəyazın Bakıda planlaşdırılan konsertini səbirsizliklə gözləyirmiş:“Bəyazla şəxsən telefonla danışdıq. Təəssüf ki, ayın 7-də olan konserti baş tutmadı. Amma İstanbulda olacaq. Onunla mütləq görüşəcəyəm”.

 

Əhəd Miriyev

 

MuzTv.az