Doğum günü olan Elçinə xanımından təbrik mesajı

Müğənni Elçin Cəfərovun doğum günüdür. 

   Müğənni Elçin Cəfərovun doğum günüdür. Axşam.az-ın məlumatına görə, 32 yaşını qeyd edən ifaçını həyat yoldaşı Aydan sosial şəbəkədə təbrik edib. Təəssüratlarını bölüşən Aydan bunları vurğulayıb:“Yoldaşım, dostum, sirdaşım, ad günün mübarək. Neçə belə gözəl yaşları birgə sevdiklərimizin ətrafında qeyd edəsən. İçimdən sənə o qədər söz demək keçir... Yaxşı ki, doğulmusan, qarşıma çıxmısan, ailəm olmusan. Yaş artdıqca insan müdrikləşir. Ürəyindəki yaxşılıq, mərhəmət hər yaş bir az da artsın. Həmişə belə düzgün ol. Necə ki, mən səndən razıyam, Allah da səndən razı olsun. Hər nə qədər yaşın artsa da, mənimlə eyni yaşa düşdüyün üçün çox sağ ol. Hər yaşın sağlam xoşbəxt keçsin. Necə valideynlərim üçün o sözü işlədirəm, sənin üçün də o kəlməni ürəkdən deyirəm: Allah səni yanımdan əskik etməsin. Əkiztayım, doğmam”.Qeyd edək ki, E.Cəfərov aprelin 25-də keçmiş millət vəkili Sabir Rüstəmxanlının qızı ilə ailə qurub.

    Müğənni Xatun Əliyeva “Hökmdarım" adlı yeni mahnısını təqdim edib. Bəstənin sözləri və musiqisi Qüdrət Əsədə aiddir. Mahnının aranjimanını Nadir Nəğd Pul edib.İfaçının prodüseri Pənah Eldaroğlu bildirib ki, X.Əliyeva yaxın günlərdə sevənlərinə yeni layihə təqdim edəcək.

    Müğənni Gülay Zeynallı ailəsi ilə birlikdə istirahətə yollanıb. Qubada dincələn sənətçi həyat yoldaşı, idmançı Kamil Zeynallı və qızı Sahilə ilə fotolarını izləyiciləri ilə bölüşüb.

    Xəbər verdiyimiz kimi, oktyabrın 26-da Bakıda “İkimizin yerine” filminin qala gecəsi baş tutacaq. Təqdimatda ekran işində baş rolu oynayan Serenay Sarıkaya və Zerrin Tekindor da iştirak edəcək. Filmdə baş rollardan birini canlandıran Nejat İşler isə işlərinin çoxluğu səbəbindən qala gecəsinə gələ bilməyəcək. Təqdimat Nizami Kino Mərkəzində keçiriləcək.Qeyd edək ki, Zerrin “Kara sevda” filmində Leyla obrazını canlandırır.

 

Əhəd Miriyev

 

MuzTv.az