Faiq Ağayev: “Mənim üçün sino gedən bir qalaq müğənni var”

Xalq artisti Faiq Ağayev küsülü olduğu müğənnilərdən danışıb.

   Xalq artisti Faiq Ağayev küsülü olduğu müğənnilərdən danışıb.PrimeTime.Az xəbər verir ki, ifaçı açıqlamasında onun üçün sino gedən müğənnilərin olduğunu bildirib: "Bir qalaq müğənni var ki, mənim üçün sino gedir. İndi 3-4 nəfər mənimlə danışmır deyə, dünya dağılmayacaq ki. İnsan üçün özgənin uğurunu həzm eləmək, ən çətin prosesdir. Hər bir insan özgənin uğurunu görüb, əhsən demir. Kim ki, mənimlə danışmır, Allah canını sağ, pulunu çox və məndən uzaq eləsin ".

  Əməkdar artist Manana və müğənni-bəstəkar Murad Arif duet oxuyub. Axşam.az-ın məlumatına görə, “Yaşasın sevənlər” adlanan mahnının söz və musiqisi M.Arifə aiddir. Manana bildirib ki, M.Arifin yazdığı mahnını oxumağı çoxdan istəyirmiş:“Özünə də dəfələrlə demişdim. Nə xoş ki, məhz bu mahnıyla əməkdaşlığa başladıq. Mahnının ilk versiyasını eşidən kimi, bu nəğməyə vuruldum. İnanıram ki, saf sevgiylə sevənlər bu nəğməni bəyənəcəklər. Mahnını dinləyərkən öz həyat yoldaşıma olan səmimi hisslərimi xatırlayıram. Murad da bu nəğməni oxşar hisslərlə yazıb. Məncə,  bu təsadüf deyil. “Yaşasın sevənlər” daha təcrübəli,  daha inamlı, ailəsinə dəyər verənlərin mahnısıdır”.

  Müğənni Könül Kərimova və Elton Hüseynəliyev duet oxuyacaqlar. Milli.Az xəbər verir  ki, ifaçılar bu hadqa verilişlərin birində deyib. E.Hüseynəliyev bu dueti uzun müddətdir planlaşdırdıqlarını bildirib:"Məndən irəli gələn səbəblərdən alınmırdı. Könül Kərimovanın yaradıcılığını çox sevirəm. Cabbar Musayevdən bir mahnı oxuyacağıq. Hazırlıqlara bugün başlamışıq".

  Müğənni Rüfət Axundov “Ya eto tı” adlı mahnıya çəkdirdiyi klipini təqdim edib. Mahnının müəllifi mərhum ifaçı Murad Nasırovdur. Ekran işinin rejissorluğu Nail Naiboğluna həvalə edilib. Klipin bəzi hissələri R.Axundovun öz bağ evində çəkilib.

 

Əhəd Miriyev

 

MuzTv.az