Şövkət Ələkbərovanın 94 yaşı tamam olur
Azərbaycanın görkəmli müğənnisi, xalq artisti Şövkət Ələkbərovanın doğum günüdür.
Azərbaycanın görkəmli müğənnisi, xalq artisti Şövkət Ələkbərovanın doğum günüdür. Sənətkarın 94 yaşı tamam olur. Şövkət Ələkbərova 1922-ci il oktyabrın 20-də Bakıda anadan olub. Asəf Zeynallı adına Musiqi Məktəbində Hüseynqulu Sarabskinin sinifini bitirdiktən sonra səhnə yaradıcılığına başlayıb. 1938-1945-ci illərdə Azərbaycan Dövlət Mahnı və Rəqs Ansamblının solisti olub. 1945-ci ildən etibarən Azərbaycan Dövlət Filarmoniyasının solisti işləyib. 1937-ci ildə bədii özfəaliyyət kollektivlərinin müsabiqəsində iştirak edib və öz çıxışı ilə Üzeyir Hacıbəyli , Səid Rüstəmov, Bülbül kimi sənətkarların diqqətini cəlb edib. 1945-ci ildən Filarmoniyanın solisti kimi işə başlayan Şövkət Ələkbərovanın ifasında səslənən xalq mahnıları, muğamlar, bəstəkar mahnıları Azərbaycanda çox böyük məşhurluq qazanıb. SSRİ-nin bir çox şəhərlərində, Fransa, İsveçrə, Şri-Lanka, Əfqanıstan, Hindistan, Misir, Əlcəzair, İran, Türkiyə, Polşa və digər xarici ölkələrdə uğurla çıxış edən Şövkət Ələkbərovanın repertuarına Segah, Qatar, Şahnaz kimi muğamlar, Azərbaycan bəstəkarlarının və Orta Şərq xalqlarının mahnıları daxil olub. Şövkət Ələkbərova 1993-cü il fevralın 7-də 70 yaşında dünyasını dəyişib.
Müğənni Ayaz Qasımov əməkdar artist Röya Ayxanla ifaçı Tunar Rəhmanoğlunun “Həsrət nəğməsi” mahnısını oxuyub. Axşam.az-ın məlumatına görə, sənətçi mahnıya telefonla klip çəkərək, izləyiciləri ilə bölüşüb. O, həvəskar çəkiliş etdiyini deyərək, qüsurlara görə hər kəsdən üzr istəyib:“Əziz dostlar, sizin istəyinizi nəzərə alaraq Rəşad Bağırovun çox sevilən “Həsrət nəğməsi” adlı musiqisinə kiçik video çarx çəkdim. Tamamilə həvəskar çəkilişdir, telefonla çəkilib və mən də montaj etmişəm. Qüsurlar varsa üzrlü sayın”.Qeyd edək ki, mahnının sözləri Vüqar Əbdülova, musiqisi Rəşad Bağırova məxsusdur.
Müğənni Çingiz Mustafayev konsert verəcək. PrimeTime.Az xəbər verir ki, noyabrda iki gün akustik konsert proqramı ilə çıxış edəcək müğənni, yeni gizli layihəsi barədə sevənlərini belə məlumatlandırıb : "Nəhayət aylardır gizli olaraq üzərində işlədiyimiz " Unudulmayanlar " layihəsini sizlərə təqdim edirik. Layihə adından da göründüyü kimi, unudulmayan, sevilən xalq və bəstəkar musiqilərindən ibarət olacaq. Palmas qrupu olaraq milli musiqimizə Jazz, Flamenco və s. çalarlar əlavə edərək, eyni zamanda orijinallığını və milliliyini qoruyaraq, yeni aranjman və nəfəsdə, iki saatlıq akustik konsert proqramı ilə noyabrın 14, 15-i Beynəlxalq Muğam Mərkəzində qarşınıza çıxacağıq.
Bu il Azərbaycanı "Eurovision" da təmsil edən Səmra Rəhimlinin doğum günüdür. 22 yaşı tamam olan ifaçı, şəxsi hesabında onu ilk təbrik edən şəxsə minnətdarlığını bildirib. Şəkildən də göründüyü kimi, ifaçını ilk təbrik edən sevdiyi şəxs olub. Ona ağ qızılgüllər göndərən sevgilisinə, Səmra belə təşəkkür edib: "Məsafələr belə mane olmayanda. Çox sağol, sevgilim".
Əhəd Miriyev
MuzTv.az