Tarkan və xanımı uşaqlarının otağını hazırladılar

Valideyn olmağa hazırlaşan müğənni Tarkan və xanımı Pınar Dilek hazırlığa başlayıblar.

    Valideyn olmağa hazırlaşan müğənni Tarkan və xanımı Pınar Dilek hazırlığa başlayıblar. Axşam.az-ın Türkiyə mətbuatına istinadən məlumatına görə, onlar artıq evlərində uşaq otağı da ayırıblar. Cütlüyün sifariş verdikləri əşyalar artıq onlara çatdırılıb. Tarkan və həyat yoldaşı uşağın cinsiyyətini bilmədikləri üçün otağı ağ rəngdə dizayn edirlər. Əşyalar villaya paparassilərdən gizli şəkildə daşınıb.Qeyd edək ki, Pınar süni mayalanma ilə ana olmaq üçün müalicə məqsədi ilə tez-tez Almaniyaya gedir.

   Model Keyt Hadson öz bağ evində Hellouin şənliyi təşkil edib. Məşhurların çoxu gecədə tanınmaz halda iştirak ediblər. Suki Uetarhaus, Cessika Alba, Leonardo DiKaprio, Salma Hayek, Kendall Cenner, Saşa Baron Koel kimi ulduzlar qorxu bayramına xas kostyumlar geyiniblər.

   "Rembo" və "Rokki" filmləri ilə məşhurlaşan aktyor Silvestr Stallone son illər bütün tədbirlərə qızları ilə gedir. Bu yaxınlarda aktyor yenə də 3 qızı ilə tədbirlərdən birində görünüb. 20 yaşlı Sofiya, 28 yaşlı Sistin və 14 yaşlı Skarlet hər zaman medianın, eləcə də paparassilərin hədəfindədir.

    Aktrisa Demet Özdemir və həmkarı Yusif Çim evlənir. Nişanlanan sevgililər gələn il nikah masasına oturacaq. "Çilek kokusu" serialında tərəf müqabili olduqdan sonra sevgi münasibətinə başlayan və tez-tez ayrılıq xəbərləri ilə gündəmə gələn cütlük bu dəfə fikirlərində qətidirlər. Bir neçə gün əvvəl onlar bir-birlərinin ailələri ilə tanış olublar.

 

Sevda Məmmədova

 

Muz-Tv.az