58 yaşı olsa da, dəbli və cazibədardır

Şeron Stoun "CMA" mükafatlarının təqdimetmə mərasimində görünüb.

    Şeron Stoun "CMA" mükafatlarının təqdimetmə mərasimində görünüb. Axşam.az-ın xarici KİV-ə istinadən məlumatına görə, ABŞ-ın Naşvil şəhərində baş tutan gecədə qırmızı xalça üzərində diqqət çəkən simalardan biri də 58 yaşlı aktrisa olub. "Əsas instinkt" filminin ulduzu olan Ş.Stoun yaşına rəğmən cəlbediciliyini qoruyub saxlayıb. O, qara libası və bahalaı aksesuarları ilə diqqət çəkib.

   "Güneşin kızları" serialının aktrisaları Hande Erçel və Burcu Özberk bir araya gəliblər. Serialdan sonra yolları ayrılan rəfiqələr məkanlardan birində yemək yeyərək iki saata yaxın söhbət ediblər.Qeyd edək ki, H.Erçel hazırda "Aşk laftan anlamaz" serialında çəkilir.

    Türkiyə ilə yanaşı dünyanın bir çox ölkəsində maraqla gözlənilən "Möhtəşəm yüz il: Kösəm"in yeni mövsümə başlama vaxtı açıqlanıb. Serial noyabrın 14-də FOX TV-də start götürəcək. Ssenarisini Yılmaz Şahinin yazdığı, rejissorluğunu Çağatay Tosunun etdiyi ekran işi yeni heyəti ilə tamaşaçı qarşısına çıxacaq.Sultan IV Murad (Metin Akdülger) və macar şahzadəsi Faryanın (Farah Zeynep Abdullah) sevgisi üzərində qurulacaq ssenaridə Kösəm Sultan (Nurgül Yeşilçay) oğlu ilə mübarizəyə başlayacaq.

    Son zamanların ən çox danışılan modeli Cici Hadid küçə dəbi ilə də hər zaman fərqlənir. Bir çox markanın siması olan Cici məşhurluğundan yararlanaraq ayaqqabı dizaynerliyi ilə də məşğuldur.  Dəbi diqtə edən modellər sırasında olan Hadid idman üslubunu da fərqli şəkildə təqdim edir. Bu günlərdə fotoqrafların hədəfinə tuş gələn model yenə də görünüşü ilə seçilməyi bacarıb. 

 

Sevda Məmmədova

 

Muz-Tv.az