Türk aktyorları Bakıda

“Təhminə və Zaur” filminin “Təhminə”si Meral Konrat və Türkiyənin digər tanınmış aktyorları Bakının qonağı olub. 

    “Təhminə və Zaur” filminin “Təhminə”si Meral Konrat və Türkiyənin digər tanınmış aktyorları Bakının qonağı olub. Onların Nizami Kino Mərkəzinə toplanmasına səbəb “Türk Filimləri Həftəsi-Bakı”nın açılış mərasiminin keçirilməsi olub. Tədbirdə türkiyəli aktyorlar Sarp Leventoğlu və Emre Kızılırmak da iştirak edib. Gecənin özəl qonaqlarından olan Meral xanım yenidən Azərbaycanda olduğu üçün qürur duyduğunu bildirib. Aktrisa “Təhminə və Zaur”un “Spartak”ı, əməkdart artist Füzuli Hüseynovla kamera qarşısına keçib, keçmişi yada salıb. Füzuli bəy Meral xanımın gözəlliyi qarşısında nə danışacağını belə bilmədiyini vurğulayıb. Sənətçilər bir-birilərinə tərif yağdırıblar. Gecənin qonaqları arasında millət vəkili Qənirə Paşayeva, xalq artisti Azərin, eləcə də Türkiyə səfirliyinin nümayəndələri olub. Tədbirin rəsmi hisssindən sonra “Kalandar Soğuğu” bədii filmi nümayiş olunub.

 

Sevda Məmmədova
Elfaq Lələyev

 

Muz-Tv.az