Aygün Kazımova imicində yenidən dəyişiklik etdi

Xalq artisti Aygün Kazımova imicində dəyişiklik edib. 

   Xalq artisti Aygün Kazımova imicində dəyişiklik edib. Axşam.az-ın məlumatılna görə, müğənni saçlarını uzadıb və onları sarı rəngə boyatdırıb.Yaradıcılığından danışan ifaçı bildirib ki, 2017-ci ildə bir çox layihələrini təqdim edəcək. Müğənni yeni mahnılar və klip üzərində çalışdığını deyib.

   Rusiyanın gürcü əsilli müğənnisi Soso Pavliaşvili Bakıdadır. İfaçı bu gün Heydər Əliyev Sarayında konsert verəcək. Onun Heydər Əliyev adına Hava Limanında lentə alınan videosunu müğənni Emin Ağalarov İnstaqram səhifəsində paylaşıb. “Bakıya gəldik. Qonaqlarımız Soso Pavliaşvili və Keti Topuryadır. Konsertdə görüşərik” deyə, Emin bildirib. Xeyriyyə məqsədli konsertdən əldə olunan gəlir xərçəng xəstəliyindən əziyyət çəkən uşaqların müalicəsinə sərf olunacaq.

   Müğənni  Günay İbrahimli yeni mahnısını təqdim etməyə hazırlaşır. PrimeTime.Az-a açıqlama verən müğənni, aylardır üzərində çalışdığı yeni mahnısının ona uğur gətirəcəyi fikrindədir:"Bu yaxınlarda "Sürgün" adlı bəstəni dinləyicilərə təqdim edəcəyəm. Musiqisi Pərviz Mahmudov, sözləri Fərdi Quliyevə aid olan bəstənin aranjimanını Rəşad Bağırov edib. Mahnı dostlarım tərəfindən çox sevilib və səbirsizliklə radiolarda səslənəcəyi günü gözləyirlər. İnanıram ki, onlar qədər dinləyicilərim də bu ifamı bəyənəcək". G.İbrahimli sözügedən mahnıya klip çəkdirəcəyini də vurğulayıb.

   Müğənni Sevda Yahyayaeva yeni mahnısını təqdim edib. "Bir nağıl" adlanan mahnının söz və musiqisi Tural və Toğrula, aranjimanı Elvin Musayeva məxsusdur. Sözügedən ifa ötən gündən radiolarda yayımlanır.

 

Əhəd Miriyev

 

MuzTv.az