Gülyanaq Məmmədova: “Dar geyinib, onu üzə çıxarıb fəxr etmək olmaz”

Xalq artisti Gülyanaq Məmmədova hamiləliyindən danışıb. 

   Xalq artisti Gülyanaq Məmmədova hamiləliyindən danışıb. Axşam.az-ın məlumatına görə, 1 aydan sonra dördüncü uşağı doğulacaq müğənni dincələ bilməməkdən gileylənib.G.Məmmədova həmkarlarının hamiləlik zamanı istifadə etdiyi libasları da tənqid edib:“1 aydan sonra ana olacam, hələ evdə oturmamışam. Geyimimlə yerini bilən adamam. Özünə dəyər verən tamaşaçısını da düşünməlidir. Gərək elə geniş formada libaslar seçəsən ki, hamiləlik bilinməsin. Dar geyinib, onu üzə çıxarıb fəxr etmək olmaz. Bəzən elələrini görürəm”.

   Özünəməxsus geyim tərzi ilə seçilən xalq artisti Zülfiyyə Xanbabayeva tədbirlərin birində fotokameralara tuş gəlib.PrimeTime.Az xəbər verir ki, ənənəvi olaraq qara rengli libaslara üstünlük verən ifaçı  bu dəfə də geyim tərzinə sadiq qalıb.

   Müğənni Natavan Həbibi tədbirlərin birində fotokameralara tuş gəlib. Ailə qurmağa hazırlaşan ifaçının barmağındakı nişan üzüyü diqqətdən qaçmayıb. Qeyd edək ki, N.Həbibinin nişanı oktyabrda olub. Sənətçi toy hazırlıqlarına başladığını deyib. O bildirib ki, məclis mediaya qapalı olacaq.

   Tanınmış aşıq, əməkdar mədəniyyət işçisi aşıq Ulduzun qızı müğənni Sədaqət Ulduz yeni “Gecələr” adlı mahnısını təqdim edib. Söz və musiqisi Tural Bakuviyə, aranjimanı Ramal Rəsula məxsus olan ifa lirik janrdadır. Mahnıda Kənanın müşayiəti ilə qədim musiqi aləti ud səsinə üstünlük verilib. 6 yaşında ümummittifaq festival laureatı adını alan və bir neçə ildir Sultan Hacıbəyov adına musiqi kollecində aşıq sənətini tədris edən aşıq daha çox mahnı janrına üstünlük verdiyinə gizlətməyib: “ Bəzən mahnı oxumağa yüngül iş kimi, dırnaqarası baxırlar. Amma mahnı oxumaq heç də aşıq musiqisi, muğam oxumaqdan asan deyil, əksinə, daha çox istedad tələb edir. Muğamda özünəməxsus çox şeylər edə bilərsən. Lakin mahnıda bu imkan yoxdur. Saz sənətində populyar olmaq çox asandır. Aşıqların əksəriyyəti toy repertuarı oxuyur. Qınamıram. Amma aşıq gərək yaradıcı olsun. Mən gözəl saz çalıb oxuya bilərəm. Amma öz yaradıcılığım yoxdursa, bu, mənasızdır. Aşıq gərək özü yaza, özü oxuya, aşıq Ulduz kimi. Onun-bunun şerini deyəcəmsə, yalandan sazı əlimə niyə götürüm?” Qeyd edək ki, müğənni bu yaxınlarda “Gecələr” mahnısına klip də çəkdirəcək.

 

Əhəd Miriyev

 

MuzTv.az