Röya Ayxan yeni klipini təqdim etdi

Əməkdar artist Röya Ayxan uzun müddətdir üzərində çalışdığı "Darıxdım" adlı mahnısına çəkdirdiyi klipini təqdim edib. 

   Əməkdar artist Röya Ayxan uzun müddətdir üzərində çalışdığı "Darıxdım" adlı mahnısına çəkdirdiyi klipini təqdim edib. PrimeTime.Az xəbər verir ki, mərhum müğənni Rüfət Mehdiyevin repertuarında yer alan mahnıya yeni nəfəs verən Röya fikirlərini belə tamamlayıb: "Bəzən belə də olur... Rüfət Mehdiyev səni unutmadıq. Nadir Əzimov musiqiyə görə çox sağol. Xanım İsmayılqızı belə sözlər üçün çox sağ ol.Ümumiyyətlə, incəsənəti sevən hər kəs sağ olsun. Bu sevgini belə içdən yaşatdığı üçün Tural Əsədov təşəkkür edirəm. Bu gün varıq, sabah yox... Bizi yaşadanlar üçün yaşadaq". Qeyd edək ki, mahnının musiqisi Nadir Əzimova, sözləri Xanım İsmayılqızına, aranjimanı Muxtar Abseynova məxsusdur. Klipin rejissoru Tural Əsədovdur. Klipdə Röyanın imici üzərində tanınmış stilist Elnur Həsənov çalışıb.

   Müğənni Miri Yusif anası ilə fotosunu paylaşıb. Axşam.az-ın məlumatına görə, ifaçı şəklə “Ana müqəddəs varlıqdır” şərhini yazıb.

   Müğənni Elvin Abdullayev həmkarı Arzu Qaraşova ilə duet oxuyub. Onlar birlikdə “Dağların başı qar olar” adlı mahnını səsləndiriblər. Qeyd edək ki, Arzu “Xalq ulduzu” yarışmasının iştirakçısı olub. 

    Türkiyəli müğənni Rafet El Roman  Bakıya gəlir. Sənətçi Heydər Əliyev Sarayında konsert verəcək. Gecənin təşkilatçısı Nahid Emiloğlu bildirib ki, Rafet saat 20:00-da hava limanında olacaq:“Sabah möhtəşəm konsert baş tutacaq. Rafetlə birlikdə orkestri də paytaxtımıza gəlir. Müğənni sevilən mahnılarını canlı səsləndirəcək".

 

Əhəd Miriyev

 

MuzTv.az