Ağaxan Abdullayev son mənzilə yola salındı

İlin təhvil olunmasına sayılı günlər qala, Azərbaycan incəsənəti özünün dahi simalarından birini, xalq artisti, muğam sənətinin əvəzolunmaz nümayəndəsi Ağaxan Abdullayevi itirib. 

   İlin təhvil olunmasına sayılı günlər qala, Azərbaycan incəsənəti özünün dahi simalarından birini, xalq artisti, muğam sənətinin əvəzolunmaz nümayəndəsi Ağaxan Abdullayevi itirib. İllərlə ömrünü sənətinə həsr edən peşəkar ifaçıyla vida mərasiminə ölkənin rəsmi nümayənəndələri ilə yanaşı incəsənət sahəsinin də bir çox məşhurları gəlib. Azərbaycanın Mədəniyyət və Turizm naziri Əbülfəs Qarayev Ağaxan Abdullayevin ölümünü muğam irsi üçün ciddi itki olaraq qiymətləndirib. Həmkarını son mənzilə yola salmağa gələn xalq artisti Alim Qasımov isə  yaxın dostu ilə belə vidalaşıb. Xalq artisti Canəli Əkbərov isə həmkarının ölüm gününü muğam sənəti üçün matəm günü olaraq dəyərləndirib. Muğam sənətinə bir çox töhfələr verən, illərlə bu sahə üzrə Azərbaycanı bir çox ölkələrdə layiqincə təmsil edən, xalqının sevimli sənətkarını bu dəfə sevənləri onun səsiylə son mənzilə yola salıb. Allah rəhmət eləsin!

 

Rəvan Nasiroğlu

Elfaq Lələyev

 

Muz-Tv.az