Alim Qasımov və qızı Fərqanə Qasımova vətənə dönür

25 gündür xaricdə qastrol səfərində olan xalq artisti Alim Qasımov və əməkdar artist Fərqanə Qasımova Bakıya qayıdır. 

   25 gündür xaricdə qastrol səfərində olan xalq artisti Alim Qasımov və əməkdar artist Fərqanə Qasımova Bakıya qayıdır. PrimeTime.Az xəbər verir ki, bu barədə əməkdar artist Fərqanə Qasımova şəxsi facebook hesabında məlumat verib: "Bizə çətin olsa da, artıq vətəndən və doğmalarımızdan 25 gündür ki, ayrıyıq. Vətəndən ayrı qalsaq da, özümüzlə buralara vətəni və onun muğamını gətirdik. Amerikada "Leyli və Məcnun" konsertlərindən sonra beş ustad dərslərimiz oldu. İki saat Nyu-York aeroportunda gözlədikdən sonra 30 saat məsafə qət edib, Sidneyə gəlmişik. Sonuncu iki konsert proqramımız qalıb. İki konsertdən sonra Azərbaycana qayıdırıq".

   Xalq artisti Aygün Kazımova bəstəkar Cavanşir Quliyevlə yenidən bir araya gəlib. Axşam.az-ın məlumatına görə, müğənni yenidən onunla mahnı üzərində çalışdığını deyib.Studiyadan videosunu paylaşan A.Kazımova bunları qeyd edib:"Canım Cavanşir müəllimlə stuiyada yeni mahnı üzərində çalışan zaman. Düz 30 ildir yorulmadan, bezmədən, usanmadan öyrədir, dərs keçir. Mən də elə öyrənirəm, dinləyirəm, çalışıram. Hələ nə qədər də öyrənəcəklərim, biləcəklərim var. Düz 30 ildir bu dərslər davam edir, hələ nə qədər də bilmədiklərim var. Çünki Cavanşir Quliyev məktəbi tükənməzdir, sonsuzdur. Yeni bəstəmiz "Şairim" adlanır. Musiqisi Cavanşir Quliyevin, sözləri Mir Yusif Mirsalehoğluna aiddir".

   Xalq artisti Brilliant Dadaşova Soçidə keçirilən KVN Festivalında iştirak edən komandamıza dəstək olub.Sənətçi KVN səhifəsinin səsvermə linkini şəxsi hesabında yayımlayıb, hər kəsi Azərbaycanın Şən və Hazırcavablar Komandasına dəstək olmağa səsləyib: "Əziz dostlar, öz KVN komandamıza təcili dəstək olaq. Şəkillərin altındakı qırmızı "X" işarəsinə toxunmaq lazımdır. Bakı komandasının şəkli çıxan kimi sağdakı yaşıl işarəyə toxunun və səs verin"

   Tez-tez Azərbaycana səfər edən "Eurovision 2011" mahnı müsabiqəsinin qalibi Nigar Camal ötən gün yaşadığı Londan şəhərinə yollanıb. Bu barədə müğənni şəxsi hesabında izləyicilərini məlumatlandırıb. O, dostları ilə təyyarədə çəkdirdiyi fotosunu yayımlayaraq bunları yazıb: "Yaxşı dostlarla Londona geri dönürük".

 

Əhəd Miriyev

 

MuzTv.az