Əhməd Mustafayev “Hələ nə qədər...” klipinin təqdimatını etdi
Müğənni Əhməd Mustafayev “Hələ nə qədərdi” mahnısına çəkdirdiyi klipinə təqdimat mərasimi keçirib.
Muztv.az-ın məlumatına görə, ekran əsərinin rejissoru Nail Naiboğludur. Klipdə aparıcı-model Nərmin Əlisoy rol alıb.
Təqdimat mərasimində müğənnilər Emil Bədəlov, Elton Hüseynəliyev, Aysel Əlizadə, Lətifə Soyuöz, bəstəkar Nazim Məmmədov və başqaları iştirak edib.
İfaçı təqdimat mərasimində media nümayəndələrinə və həmkarlarına mini konsert verib.
“Bu klipdə özüm kimiyəm. Necəyəmsə, eləyəm, süni deyiləm” deyən ifaçı həmkarlarının arasında kliplə bağlı sorğu aparıb: “Hər kəsin fikrini soruşdum. Elə çox tənqid olmadı. Özümsə bəzi hissələri bəyənmirəm. Bura fotosesiyalarım da daxildir”.
Xalq artisti Faiq Ağayevin ona böyük dəstək olduğunu deyən Əhməd Mustafayev “Belə şeylər məni sevindirir. Çünki çox vaxt gəncləri tapdalayırlar, qabağa getməyə qoymurlar. Amma bu gün sevinirəm ki, Faiq Ağayev, Nadir Qafarzadə mənə dəstək olurlar” deyə vurğulayıb.
Müğənninin ekran əsərinin ərsəyə gəlməsində dostlarının böyük köməyi olub:
“Komandayla işləyirəm. Mini konsert fikri də elə onların idi. Dostlarımız Ruslan və Tural bu özəl günü planlaşdırdılar və birlikdə qərar verdik. Elə mahnılar seçdik ki, buraya gələnlər yorulmasın. Hamının könlünü oxşamağa çalışdıq və çox əziyyət çəkdik. Tamaşaçılara konsert verəndə heç adam bu qədər həyəcanlanmır. Amma bu çox çətin idi. Bu məsuliyyətin altından yaxşı qalxmışam. “Sevgililər günü”ndə ən böyük hədiyyəm oldu. Sevgilim olsaydı, günüm bu qədər xoş keçməzdi”.
Muztv.az-ın məlumatına görə, ekran əsərinin rejissoru Nail Naiboğludur. Klipdə aparıcı-model Nərmin Əlisoy rol alıb.
Təqdimat mərasimində müğənnilər Emil Bədəlov, Elton Hüseynəliyev, Aysel Əlizadə, Lətifə Soyuöz, bəstəkar Nazim Məmmədov və başqaları iştirak edib.
İfaçı təqdimat mərasimində media nümayəndələrinə və həmkarlarına mini konsert verib.
“Bu klipdə özüm kimiyəm. Necəyəmsə, eləyəm, süni deyiləm” deyən ifaçı həmkarlarının arasında kliplə bağlı sorğu aparıb: “Hər kəsin fikrini soruşdum. Elə çox tənqid olmadı. Özümsə bəzi hissələri bəyənmirəm. Bura fotosesiyalarım da daxildir”.
Xalq artisti Faiq Ağayevin ona böyük dəstək olduğunu deyən Əhməd Mustafayev “Belə şeylər məni sevindirir. Çünki çox vaxt gəncləri tapdalayırlar, qabağa getməyə qoymurlar. Amma bu gün sevinirəm ki, Faiq Ağayev, Nadir Qafarzadə mənə dəstək olurlar” deyə vurğulayıb.
Müğənninin ekran əsərinin ərsəyə gəlməsində dostlarının böyük köməyi olub:
“Komandayla işləyirəm. Mini konsert fikri də elə onların idi. Dostlarımız Ruslan və Tural bu özəl günü planlaşdırdılar və birlikdə qərar verdik. Elə mahnılar seçdik ki, buraya gələnlər yorulmasın. Hamının könlünü oxşamağa çalışdıq və çox əziyyət çəkdik. Tamaşaçılara konsert verəndə heç adam bu qədər həyəcanlanmır. Amma bu çox çətin idi. Bu məsuliyyətin altından yaxşı qalxmışam. “Sevgililər günü”ndə ən böyük hədiyyəm oldu. Sevgilim olsaydı, günüm bu qədər xoş keçməzdi”.