İvanka Trampın həyatıyla bağlı maraqlı nüanslar

Donald Tramp ABŞ-ın prezidenti seçildikdən sonra, diqqətlər qızı İvanka Trampa yönəldi.

Muztv.az İvanka Mariya Trampın həyatıyla bağlı hər kəs üçün maraqlı gələn nüansları təqdim edir.

İvanka Trampın 35 yaşı var. O, Donald Tramp və İvana Trampın ortancıl övladıdır. Ondan başqa ailənin Donald və Eris adlı iki uşağı var. İvankanın 9 yaşı olanda valideynləri boşanır və o, həyatda yalnız addımlamağa başlayır. “Georgetown” universitetinə daxil olur və “Wharton Business School”- da oxuyaraq təhsil həyatını bitirir.



İndi öz brendləri olan İvanka 16 yaşında model olmaq qərarına gəlib. “Seventeen” jurnalının üzü olmaqla yanaşı “Versace” və “Tommy Hilfiger” brendlərinin də bir çox kampaniya və defilələrində iştirak edib. 25 yaşında öz aksessuar və geyim markasını yaradıb.



İvanka həyat yoldaşıyla 23 yaşında tanış olub. Yoldaşı Cared Kuşnerin ailəsi münasibətlərinə qarşı çıxdığı üçün 2008-ci ildə sevgililər ayrılıb, amma 2009-cu ildə ailə qurublar.



Atası prezident olandan sonra öz markası və Tramp şirkətlərindəki işlərindən uzaqlaşan İvanka ailəsiylə Manhettendə yaşayır. Haqqında səslənən ittihamlardan sonra İvanka, Vaşiqnotana köçməyə hazırlaşır.



İvankanın sabit stili yoxdur. Onu iş qadını, sadə vətəndaş, prezidentin qızı və ana İvanka kimi bir neçə stildə görə bilərsiniz.



Qırmızı və dəri rəngili, çiçək naxışlı geyimlər favoriləridir. İlin dəbi atlas və vilur geyimlərdən daha çox istifadə edir. Hər ilin dəbinə uyğun geyinən İvankanın istifadə etmədiyi rəng və naxış yoxdur. Daim gözümünüz qabağında olan gənc qadını fərqli tərzlərdə görürük.