Bakıda Əməkdar Artistin sənət əsərləri sərgilənəcək

Martın 10-da Azərbaycan Rəssamlar İttifaqının Vəcihə Səmədova adına sərgi salonunda tanınmış aktrisa və rəssam Suğra Bağırzadənin sənət əsərlərindən ibarət sərgi açılacaq.

Muztv.az-ın azertac-a istinadən xəbər verir ki, Əməkdar Artistin 50-dək sənət əsərinin nümayiş olunacağı sərgi Mədəniyyət və Turizm Nazirliyi və Azərbaycan Rəssamlar İttifaqının birgə təşkilatçılığı ilə gerçəkləşəcək.

Qeyd edək ki, müxtəlif mövzulu əsərlərin yer alacağı sərgi bir həftə davam edəcək.