Vaqif Mustafazadənin doğum günüdür - video
Bu gün Azərbaycan caz musiqisinin banisi, bəstəkar, pianoçu, əməkdar incəsənət xadimi Vaqif Mustafazadənin doğum günüdür.
Muztv.az xəbər verir ki, cazmen 1940-cı ildə, martın 16-da İçərişəhərdə anadan olub. O, 1963-cü ildə Asəf Zeynallı adına Bakı Musiqi Kollecini bitiridikdən sonra Bakı Musiqi Akademiyasına daxil olub.
V.Mustafazadə əsasən klassik caz, bluz və oynaq mahnılar ifa edib. 1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib.
Beynəlxalq caz müsabiqələri və festivallarının ("Tallin-66", "Tbilisi-78", Monte-Karlo) laureatı olub.
Fortepiano və simfonik orkestr üçün konsertin, "Muğam" simfoniyasının (tamamlanmamış), bir sıra caz kompozisiyalarının və pyeslərin müəllifidir. Vaqif Mustafazadə Azərbaycan caz musiqisinin banisi və yeni caz fikrinin təsisçisidir.
O, Azərbaycan musiqisinin, muğamın klassik Amerikan caz musiqisi ilə sintezini yaradıb. Onun yeni devizi Caz-Muğam adlanıb.
“Muğam” simfoniyasının müəllifi olan Vaqif Mustafazadə 1979-cu ildə Azərbaycan Respublikasının əməkdar artisti fəxri adına layiq görülüb.
Mərhum cazmen, 16 dekabr, 1979-cu ildə Daşkənddə qastrol zamanı ürək tutmasından vəfat edib. Öümündən sonra 1982-ci ildə Azərbaycan Dövlət Mükafatına layiq görülüb.
Xatırladaq ki, Vaqif Mustafazadənin həyat yoldaşı Eliza Mustafazadə Azərbaycanın peşəkar caz-muğam tərzində oxuyan ilk qadın sənətçisi olub. Qızı Əzizə Mustafazadə də atasının yolunu davam etdirir.
Qeyd edək ki, bu gün Heydər Əliyev Sarayında Vaqif Mustafazadənin xatirəsinə həsr olunmuş konsert proqramı keçiriləcək. Konsertdə Respublikanın Xalq artisti Faiq Sücəddinov, Əməkdar artist Akif Süleymanbəyli, Əməkdar İncəsənət Xadimi Cavan Zeynallı, “Səs Azərbaycan” müsabiqəsinin qalibi Emiliya Yaqubova, Teymur Süleymanbəyli, Azad Şabanov, Humay Süleymanbəyli, Hüseyn Abdullayev, Nəzrin Zərbəliyeva, Natavan Cəbizadə, Tofiq Həsənsoy, “Aysel” rəqs qrupu və V.Mustafazadə adına 2 saylı uşaq incəsənət məktəbinin istedadlı şagirdləri iştirak edəcəklər.İfaçılar caz musiqisi axşamında Vaqif Mustafazadənin müəllifi olduğu əsərləri səsləndirəcəklər.
Muztv.az xəbər verir ki, cazmen 1940-cı ildə, martın 16-da İçərişəhərdə anadan olub. O, 1963-cü ildə Asəf Zeynallı adına Bakı Musiqi Kollecini bitiridikdən sonra Bakı Musiqi Akademiyasına daxil olub.
V.Mustafazadə əsasən klassik caz, bluz və oynaq mahnılar ifa edib. 1964-cü ildən "Orero" ansamblına, "Qafqaz" caz üçlüyünə, "Leyli" və "Sevil" qadın vokal instrumental və "Muğam" instrumental ansambllarına rəhbərlik edib.
Beynəlxalq caz müsabiqələri və festivallarının ("Tallin-66", "Tbilisi-78", Monte-Karlo) laureatı olub.
Fortepiano və simfonik orkestr üçün konsertin, "Muğam" simfoniyasının (tamamlanmamış), bir sıra caz kompozisiyalarının və pyeslərin müəllifidir. Vaqif Mustafazadə Azərbaycan caz musiqisinin banisi və yeni caz fikrinin təsisçisidir.
O, Azərbaycan musiqisinin, muğamın klassik Amerikan caz musiqisi ilə sintezini yaradıb. Onun yeni devizi Caz-Muğam adlanıb.
“Muğam” simfoniyasının müəllifi olan Vaqif Mustafazadə 1979-cu ildə Azərbaycan Respublikasının əməkdar artisti fəxri adına layiq görülüb.
Mərhum cazmen, 16 dekabr, 1979-cu ildə Daşkənddə qastrol zamanı ürək tutmasından vəfat edib. Öümündən sonra 1982-ci ildə Azərbaycan Dövlət Mükafatına layiq görülüb.
Xatırladaq ki, Vaqif Mustafazadənin həyat yoldaşı Eliza Mustafazadə Azərbaycanın peşəkar caz-muğam tərzində oxuyan ilk qadın sənətçisi olub. Qızı Əzizə Mustafazadə də atasının yolunu davam etdirir.
Qeyd edək ki, bu gün Heydər Əliyev Sarayında Vaqif Mustafazadənin xatirəsinə həsr olunmuş konsert proqramı keçiriləcək. Konsertdə Respublikanın Xalq artisti Faiq Sücəddinov, Əməkdar artist Akif Süleymanbəyli, Əməkdar İncəsənət Xadimi Cavan Zeynallı, “Səs Azərbaycan” müsabiqəsinin qalibi Emiliya Yaqubova, Teymur Süleymanbəyli, Azad Şabanov, Humay Süleymanbəyli, Hüseyn Abdullayev, Nəzrin Zərbəliyeva, Natavan Cəbizadə, Tofiq Həsənsoy, “Aysel” rəqs qrupu və V.Mustafazadə adına 2 saylı uşaq incəsənət məktəbinin istedadlı şagirdləri iştirak edəcəklər.İfaçılar caz musiqisi axşamında Vaqif Mustafazadənin müəllifi olduğu əsərləri səsləndirəcəklər.