Milli Parkda keçirilən Novruz şənliyindən fotolar

Dənizkənarı Milli Parkda Novruz bayramı münasibətilə konsert proqramı keçirilib.

Muztv.az-ın məlumatına görə, Mədəniyyət və Turizm Nazirliyinin təşkil etdiyi ənənəvi bayram tədbiri rəngli görüntüləri, çal-çağırı, bölgələrimizin bar-bərəkətli Novruz sovqatı, el sənətkarlığı nümunələri, zəngin milli mətbəximizin təqdimatı ilə yadda qalıb.

Şənlik Qız qalasının yanından başlayıb və Dənizkənarı Milli Park boyunca davam edib. Tədbirdə ənənəvi “Şərq bazarı” da təşkil edilib. Azərbaycanın bölgələrini əhatə edən milli mətbəx nümunələri, həmçinin ölkəmizin müxtəlif rayonlarının kənd təsərrüfatı məhsulları, bayram adət-ənənələri nümayiş olunub, xalq tətbiqi sənət nümunələri sərgilənib. Bayramın personajlarına gəlincə, ənənəvi olaraq şənliyə Dədə Qorqud xeyir-dua verib, Bahar qızı iştirakçıları salamlayıb. Kosa və Keçəllə bağlı səhnə, qaravəllilərdə və xalq dastanlarında olan qəhrəmanların, nağıl obrazlarının bir araya gəlməsi mərasimə xüsusi ovqat gətirib. Tədbir xalq artisti Gülyaz Məmmədova, xanəndə İlkin Əhmədov və tanınmış sənətçilərin ifaları ilə davam edib.

Fotolar:

Emin Məmmədov