Elza: "Elza dəyər sizin kimi yüz kişiyə"

Əməkdar artist Elza Seyidcahan yeni şeir yaıb.

Muztv.az-ın məlumatına görə, sənətçi İnstaqram hesabında bölüşdüyü şeirini atasına ithaf edib.

"Vətən vardır" adlı həmin paylaşımı təqdim edirik:

Vətən vardır, sizlərdənəm.
Orda çünki kətan vardır, 
Siz varsınız, vətən vardır!
O varlıdır, tarlalıdır, 
Sayarlıdır, qalarlıdır,
Yazarlıdır, cahanlıdır. 
Heç vaxt məni gözləməyin namərdlikdə, 
Gözləyin mərdanəlikdə.
Qaranlıqda mərdimərdanəlikdə, yamanında
Nə tez, nə gec məqamında anındayam, tamındayam.
Çöhrənizi sevdirəcəm, güldürəcəm.
Düşmənlərin nəfəsində, qəfəsində, töhfəsində
Heç olmasın
Elza buradan keçdi niyə?
Heç deməsin "niyə?" Elza
Seçdi, niyə?
Axı niyə deyirsiniz, Elza "niyə?"
Elza dəyər sizin kimi yüz kişiyə.
İstəmərəm çətin günə düşüm, dostlar.
Sandığımı itirdiyimi, itirəcəyimdən hürkürəm.
Köhnə dostlar,
İtirdim sizi, can dostlar.
Siz itirdiz , can, dostlar.
Sizi qazandım, təzə dostlar.
Neçə ildir bu dostlar,
Gəldi çıxdı bu postlar.
Çıxdı getdi boş sortlar.
Sortbasortlar.
Mən gedirəm, 
İstəyirəm siz deyəsiniz mənə "getmə".
Ya deyəsiz asta "getmə"
Demirsiniz, susursunuz.
Qorxursunuz özünüzdən, 
Sözünüzdən, işinizdən, kisənizdən.
Bax o çətin anlarımda, 
Mən tapıram yeni dostlar.
Təmənnasız yeni dostlar.
Siz isə ancaq qorxursunuz özünüzdən.
Çünki birdən hər şey gələr gözünüzdən
Ondan qorxun!
Hərdən məndən qorxursunuz,
Elə bilirsiniz onlardanam.
Heç qorxmayın, sizlərdənəm.
Ucalardayam.
Vətənimizə gəlməz kədər,
Ağlınıza gəlməz qədər,
Sizlərdənəm.
Orada çünki kətan vardır, 
Siz varsınız.
Qürbətdən qürbətə doğru, 
Vətən vardır