İlqar Xəyal: “Albomu haradasa toz basırsa, mənim qəbahətim deyil"
Xəzər telekanalında yayımlanan “Hər şey daxil” verilişinə əməkdar artist Elza Seyidcahan və müğənni İlqar Xəyal qonaq olub.
Muztv.az xəbər verir ki, aparıcı Firuzə Cəlilova İlqar Xəyalı təqdim edərkən soyadını yalnış söyləyib. Əməkdar artist müdaxilə etdikdən sonra aparıcı üzr istəyərək İlqar Xəyalı dəvət edib.
İlqar Xəyal adının səhv salınmasında qəbahət görmədiyini deyib: “Soyadım əksər hallarda İlqar Saillə və İlqar Muradovla dəyişik salınır. Mənə İlqar Sail deyildikdə incimirəm, bəlkə o, inciyir, bilmirəm. Dünyanın bir çox ölkələrində Azərbaycanı təmsil etmişəm. Yalnız estrada sahəsində yox, klassik musiqi janrında və simli alətlərdə olan ifama görə İlqar Hənifəzadə Fuad oğlu olaraq “qran-pri”yə layiq görülmüşəm. Həyatı görmüş insanlar az danışar, az görünər, bar vermiş ağac kimi başını aşağı əyər, mənim inciməyə əsasım yoxdur”.
İlqar Xəyal aparıcının onu “Sarı güllər” mahnısını xatırladaraq studiyaya dəvət etməsinə də münasibət bildirib: “Məni görəndə “Sarı güllər” yada düşür, mənə elə gəlir ki, bu, əsassızdır. Çünki repertuarım çox zəngindir”.
İfaçı adını çəkmək istəmədiyi digər televiziyanın aparıcılarından birinə də öz iradını bildirib:
“Möhtərəm aparıcılardan hesab olunan şəxs efirdə mənim “Sarı güllər” mahnımı verir, daha sonra isə qeyd edir ki “İlqar Xəyalın başqa ifasını tapa bilmədim”, halbuki mən onlara öz albomumu təqdim etmişəm, albomu haradasa toz basırsa, bu, mənim qəbahətim deyil. Yetərincə geniş repertuarım var, sadəcə kimə necə sərf edirsə, onu edir, efirə o, ifaçıları çağırırlar. Xırda şou biznes aləmi mənlik deyil”.
Muztv.az xəbər verir ki, aparıcı Firuzə Cəlilova İlqar Xəyalı təqdim edərkən soyadını yalnış söyləyib. Əməkdar artist müdaxilə etdikdən sonra aparıcı üzr istəyərək İlqar Xəyalı dəvət edib.
İlqar Xəyal adının səhv salınmasında qəbahət görmədiyini deyib: “Soyadım əksər hallarda İlqar Saillə və İlqar Muradovla dəyişik salınır. Mənə İlqar Sail deyildikdə incimirəm, bəlkə o, inciyir, bilmirəm. Dünyanın bir çox ölkələrində Azərbaycanı təmsil etmişəm. Yalnız estrada sahəsində yox, klassik musiqi janrında və simli alətlərdə olan ifama görə İlqar Hənifəzadə Fuad oğlu olaraq “qran-pri”yə layiq görülmüşəm. Həyatı görmüş insanlar az danışar, az görünər, bar vermiş ağac kimi başını aşağı əyər, mənim inciməyə əsasım yoxdur”.
İlqar Xəyal aparıcının onu “Sarı güllər” mahnısını xatırladaraq studiyaya dəvət etməsinə də münasibət bildirib: “Məni görəndə “Sarı güllər” yada düşür, mənə elə gəlir ki, bu, əsassızdır. Çünki repertuarım çox zəngindir”.
İfaçı adını çəkmək istəmədiyi digər televiziyanın aparıcılarından birinə də öz iradını bildirib:
“Möhtərəm aparıcılardan hesab olunan şəxs efirdə mənim “Sarı güllər” mahnımı verir, daha sonra isə qeyd edir ki “İlqar Xəyalın başqa ifasını tapa bilmədim”, halbuki mən onlara öz albomumu təqdim etmişəm, albomu haradasa toz basırsa, bu, mənim qəbahətim deyil. Yetərincə geniş repertuarım var, sadəcə kimə necə sərf edirsə, onu edir, efirə o, ifaçıları çağırırlar. Xırda şou biznes aləmi mənlik deyil”.