Əli Nazdan üzr istədi: "Səni incitdimsə, bağışla" 

Türkiyənin “Zuhal Topalla” izdivaç verilişində Əliylə Naz arasında daha bir mübahisə yaranıb.

Muztv.az xəbər verir ki, Naz Əlinin ona hədiyyə etdiyi sırğanı qaytararaq “Əli münasibətimiz olduğu müddətdə heç vaxt məni müdafiə etməyib. Daim mənə qarşı hörmətsizlik edib. Dünən “Smokin”i səbrim tükəndiyi üçün yerə atdım, buna görə Əlidən, izləyicilərdən və sizdən üzr istəyirəm. Mən də tükəndim artıq, heç nə istəmirəm. Bu günə kimi də, münasibətin yaxşılığa doğru getməsi üçün nə etmişəmsə, ona görə də üzr istəyirəm. Bundan sonra Əli haqqında şərh də bildirməyəcəm, adını da ağzıma almayacam” deyib.

Əli isə məsələyə belə müdaxilə edib: “Mən heç vaxt heç kimə qarşı hörmətsizlik etməmişəm. Dünən də sənə “Bu qız” deyərək səslənməyim də istəmədən oldu, səni incitdisə üzr istəyirəm. Əsəbi olduğu üçün bunları dediyinə inanıram, mənimlə münasibətə başlamaq istəyini bilirəm. Sırğalar sənindir, istəyirsənsə atarsan, mənə qaytarmağa ehtiyac yoxdur. Səninlə münasibətim olmağını mən də istəmirəm, yoxsa əvvəldən əlindən tutmuşdum və indi burada deyildik”.