Eldar Qasımov: “Yenə də hesabımı şikayət edib bloklayıblar"
Ötən axşam “Nazlı” filminin təqdimatında “Avroviziya 2011” qalibi Eldar Qasımov fotokameramıza tuş gəlib.
Müğənni muztv.az-a müsahibəsində ilk dəfə film təqdimatına gəldiyini deyib: “Bu vaxta kimi heç bir filmin təqdimatında olmamışam. Başqa yerlərə getmirəm, düşünürəm ki “Birdən bəyənmədim, nə deyəcəm?”, yalan deyə bilmərəm. Rəhmana inanıram, bilirəm ki, uğurlu ekran əsəri alınıb. Bir neçə il öncə “Qorxman mən səninləyəm” filmində bir yerdə çalışmışıq, bacarığına bələdəm”.
İfaçı ona təklif olunan film ssenariləri bəyənmədiyini söyləyib: “Ssenarilər mənim daxili dünyama, mənə yaxın olmur. Çalışıram ki, yaxşı dəyərləndirim, hələ ki, seçə bilmirəm. Dram, komedia, qorxu filmi hər birində özümü sınamaq istəyərəm. Əsas keyfiyyətli ekran əsəri olsun”.
Müğənni yeni layihələrindən də söhbət açıb:
“Bu yaxınlarda Kiyevə gedəcəyəm, “Avroviziya”nın təşkil etdiyi şənlikdə iştirak edəcəyəm. “Son nəfəsim ol” mahnımı Ukrayna versiyasında ifa edəcəyəm, sürpriz olacaq. Düşünürəm ki, onların xoşuna gələcək”.
Müğənni bu il ölkəmizi “Avroviziya”da təmsil edəcək Diana Hacıyeva haqqında da təəssüratlarını bölüşüb:
“Neçənci yerdə olmağından çox, əsas yadda qalan olmaq üçün əlində gələni etsin. Hər şey üç dəqiqədən və onun pərəstişkarlarla, müxbirlərlə, təmsilçilərlə münasibətindən asılıdır. Mahnı gözəldir, müasir ritmi var. Ümid edirəm ki, ilk beşliyə düşəcək”.
İnstaqram hesabı erməni hakkerlər tərəfindən oğurlanan ifaçı artıq səhifəsini qanuni olaraq geri aldığını açıqlayıb: “Dünən hesabımı əldə etdik, səhifəmdən istifadə edə bilməzlər. Ancaq onlar yenə də hesabımı şikayət edib bloklayıblar. İnstaqramın rəsmi işçiləri ilə danışıqlar aparılır. Güclü təxribat idi, izləyicilərimdən belə bir hadisə ilə qarşılaşdıqları üçün üzr istəyirəm”.
Əliyeva Günel
Foto: Emin Məmmədov
Müğənni muztv.az-a müsahibəsində ilk dəfə film təqdimatına gəldiyini deyib: “Bu vaxta kimi heç bir filmin təqdimatında olmamışam. Başqa yerlərə getmirəm, düşünürəm ki “Birdən bəyənmədim, nə deyəcəm?”, yalan deyə bilmərəm. Rəhmana inanıram, bilirəm ki, uğurlu ekran əsəri alınıb. Bir neçə il öncə “Qorxman mən səninləyəm” filmində bir yerdə çalışmışıq, bacarığına bələdəm”.
İfaçı ona təklif olunan film ssenariləri bəyənmədiyini söyləyib: “Ssenarilər mənim daxili dünyama, mənə yaxın olmur. Çalışıram ki, yaxşı dəyərləndirim, hələ ki, seçə bilmirəm. Dram, komedia, qorxu filmi hər birində özümü sınamaq istəyərəm. Əsas keyfiyyətli ekran əsəri olsun”.
Müğənni yeni layihələrindən də söhbət açıb:
“Bu yaxınlarda Kiyevə gedəcəyəm, “Avroviziya”nın təşkil etdiyi şənlikdə iştirak edəcəyəm. “Son nəfəsim ol” mahnımı Ukrayna versiyasında ifa edəcəyəm, sürpriz olacaq. Düşünürəm ki, onların xoşuna gələcək”.
Müğənni bu il ölkəmizi “Avroviziya”da təmsil edəcək Diana Hacıyeva haqqında da təəssüratlarını bölüşüb:
“Neçənci yerdə olmağından çox, əsas yadda qalan olmaq üçün əlində gələni etsin. Hər şey üç dəqiqədən və onun pərəstişkarlarla, müxbirlərlə, təmsilçilərlə münasibətindən asılıdır. Mahnı gözəldir, müasir ritmi var. Ümid edirəm ki, ilk beşliyə düşəcək”.
İnstaqram hesabı erməni hakkerlər tərəfindən oğurlanan ifaçı artıq səhifəsini qanuni olaraq geri aldığını açıqlayıb: “Dünən hesabımı əldə etdik, səhifəmdən istifadə edə bilməzlər. Ancaq onlar yenə də hesabımı şikayət edib bloklayıblar. İnstaqramın rəsmi işçiləri ilə danışıqlar aparılır. Güclü təxribat idi, izləyicilərimdən belə bir hadisə ilə qarşılaşdıqları üçün üzr istəyirəm”.
Əliyeva Günel
Foto: Emin Məmmədov